Me arritjen e Covid-19 në Amerikë, vendi më i fuqishë në botë, departamenti i shëndetësisë në New York ka publikuar një seri rekomandimesh mbi mënyrat më të mira për të evituar përhapjen e coronavirus, duke përfshire këtu sjelljet seksuale. Ka një udhëzim të veçantë për të shijuar seksin duke evituar infektimin e vetes dhe të tjerëve. Këtë manual të përkthyer në shqip mund ta gjeni këtu.
Udhëzimi mbi sjelljet më korrekte gjatë veprimeve seksuale nis me një parathënie: shpjegim mbi mënyrat e infektimit nga virusi.
Pyetje & Përgjigje
Është e mundur të infektohemi nga një person i infektuar ? Virusi mund të infektojë njerëzit që ndodhen 1.8m larg një personi me Covid-19 kur ai person kollitet apo teshtin.
Virusi mund të shpërndahet nëpërmjet kontaktit të drejtëpërdrejtë nëpërmjet përshtymës apo sekrecioneve ? Ka ende shumë për të mësuar për Covid-19 dhe seksin. Virusi është gjetur në feçet e personave të infektuar. Por ende nuk është gjeturi në lëngun vaginal ose seminal.
Seks më të sigurt ? Me veten. Sikurse tha dhe e famshmja, gazeta gjermane BILD, nëpërmjet masturbimit Covid-19 nuk mund të shpërndahet. Natyrisht duhet të tregohemi të kujdesshëm dhe këtu, të lajmë duart me ujë e sapun për të paktën 20 sekonda para dhe pas seksit.
Kush është personi më i sigurt mbas nesh? Partneri i dytë më i sigurt( mbas vetes) është personi më të cilin jetojmë. Të kesh një kontakt të ngushtë vetëm më një person, duke përfshirë seksin vetëm më një person të ngushtë, ndihmon në parandalimin e përhapjes së Covid-19.
Po nëse je beqar ?
Po nëse nuk keni një marrëdhënie të qëndrueshme ? Nëse jemi beqar ? Duhet evituar sa më shumë kontaktet e afërme me të gjithë. Nëse zakonisht përdorim aplikacione për takime si Tinder, është e udhës që të mendojmë për një pauzë. Opsioni më i mirë në këtë rast është: seksi virtual.
A mund të puthemi ?
JO. Puthja mund të shpërndajë Covid-19. Evitoni puthjet me të gjithë ata që nuk janë në mesin e kontakteve tuaja të ngushta.
Seksi komplikohet.
Si përfundim partneri më i sigurt seksual je ti. Masturbimi vazhdon të jetë mënyra më efikase për të mos trasmetuar coronavirusin. Në vend të dytë, përsa i përket sigurisë qëndrojnë personat më të cilat jetojmë. Do të ishte më mirë që të hiqnim dorë na raportet fizike të drejtëpërdrejta duke preferuar forma virtuale.
Më shumë: gjatë aktit seksual nuk këshillohet të puthet partneri sidomos nëse nuk bën pjesë në rrethin e ngushtë. Është shumë e rëndësishme të lajmë duart mbas raportit seksual dhe të dizinfektojmë të gjitha lodrat erotike, tastierën dhe kompjuterin. Së fundi nëse partneri ka simptoma gripi, alergjie, apo coronavirus është e këshillueshme të evitohet plotësisht kontakti seksual
Jep koment