Ejakulimi i vonshëm, një problem seksual i heshtur

Kur flasim për problemet seksuale te burrat, zakonisht trajtojmë ( duke përfshirë edhe Tabu Blog) ato që kanë të bëjnë me uljen e potencës seksuale, problemet me ereksionin apo ejakulimin e shpejtë. Në të vërtetë ekziston një tjetër problematikë, e heshtur, që quhet ejakulim i vonshëm, që është definuar nga Master dhe Johnson, si “ pamundësi ejakulimi” e karakterizuar nga shfaqje dhe variante të ndryshme, pra grada të ndryshme serioziteti. Këto variojnë nga ejakulimi gjatë natës ( pra i kryer pa vetëdije) deri te ejakulimi nëpërmjet autoerotizmit apo te ejakulimi i cili vjen nga praktika që kryen partneri.

Të gjithë elementët e tjerë seksualë siç janë: eksitimi apo aftësia e ereksionit, janë të paprekura. I vetmi element që ndryshon, është përgjigja ejakulatore që mund të vijë me vonesë, apo mos të ndodhë  fare.

Mund të ketë arsye të ndryshme se pse kjo ndodh: fizike, psikologjike apo të dyja; ndonëse ato fizike janë më të rralla. Të gjithë faktorët fizikë janë më të rrallë sepse shoqërohen apo ndikohen nga përdorimi i barnave, antidepresantëve, ndërhyrjeve kirurgjikale apo traumave të ndryshme.

Ndërkohë që te faktorët psikologjikë mund të permendin:

  1. marrëdhënien në çift dhe
  2. faktorët psikologjikë që ndikohen nga kjo marrëdhënie.
  3. Mund të mendojnë që vuajmë nga anaorgazma ( mungesa e orgazmës), ndërkohë që thjeshtë nuk dimë si  të dhurojmë kënaqësi ( edhe vetes edhe tjetrit ).
  4. Mund të ketë mungesë informacioni rreth dinamikave seksuale- shpesh herë për shkak të frikës apo ndjenjës së fajit- që nuk lejon eksperimentimin dhe eksplorimin e seksualitetit.
Nëse ndjenja e fajit dhe e frikës kanë epërsi, mund të jetë sepse:
  • Mund të ketë vështirësi në zhvillimin e një praktike masturbimi duke bindur veten që kemi vështirësi në arritjen e orgazmës.
  • Mund të ketë vështirësi komunikimi në çift, rreth nevojave apo dëshirave më të thella
  • Mund të kërkojmë me pavetëdije një partner më  pak joshës dhe si rrjedhojë të evitojmë raportin seksual
  • Mund të kërkojmë raporte seksuale në situata pak të volitshme
  • Mund të mos lejojmë  partneren të na stimulojë në mënyrën e duhur
  • Mund të  na fluturojë mendja në situata të tjera aspak erotike duke humbur sensin e eksitimit

Jep koment

This site uses Akismet to reduce spam. Learn how your comment data is processed.