seksi ne reklama

Seksi shet: historia e seksit në botën e marketingut

Seksi shet- duket sikur është  një fjali që përçon të vërtetën universale që të gjithë dimë, por a është vërtet kështu ?

Në vitin 1871, kompania e duhanit Pearl, filloi duke përdorur, mbi paketat që tregtonte, figurën e Venusit të zhveshur duke dale nga dallgët e detit. Po në ato vite,  një tjetër kompani duhani, Duke & Sons, filloi të integronte brenda paketave, kartolinat seksi të aktoreve të kohës, duke u kthyer në kompaninë më të famshme dhe popullore në Amerikë. Një sjellje dhe gjetje marketing, totalisht e papranueshme në kohët e sotme.  Kështu kompanitë e ndryshme filluan duke ndryshuar kufijtë e etikës në marketing, si për shembull kompania e sapunëve, Woodberry Soap që në vitin 1925, zgjodhi të promovohej me imazhin e një gruaje plotësisht lakuriq. Pak nga pak, reklamat dhe promocionet filluan të shndërroheshin duke u bërë gjithnjë e me seksuale, sidomos në botën e modës, ku gratë portretizoheshin si objekte seksuale.

Një studim mbi reklamat nga viti 1960 e deri në vitin 1980 , zbuloi që numri i reklamave që aludonin seksin apo e promovonin atë, nuk u rrit domosdoshmërisht, por ato u bënë më shumë  më të hapura, ambigue dhe më shumë vizuale. Në vitin 1994, një seri reklamash për produktin Wonderbra, që përfaqësohej nga imazhi i modeles çeke Eva Herzigova, u akuzua se kishte rritur aksidentet në  Britaninë e madhe dhe  argument për këtë u përdor, hutesa e shoferëve,  nga pamjet seksuale të posterave reklamues.

Sigurisht që ka një diferencë midis produkteve që kanë një konotacion natyral me seksin dhe seksualitetin dhe atyre që s’kanë asnjë lidhje. Është normale që një kompani me veshje intime dhe të brendshme të investojë te pjesa seksuale, është më pak normale për një kompani për depozitimin e mbeturinave, sharrës elektrike apo boje për makina, ta bëjë atë.

Më pas ka disa produket që jetojnë midis këtyre dy realiteteve, si për shembull ndonëse funksioni i një sapuni është të pastrojë mirë, një reklamim i tij më sensual do të ishte, promovimi i lëkurës së butë dhe te mëndafshtë që ai dhuron pas larjes dhe ja ku u gjet lidhja me seksin. Shumë produkte të tjera për palestrën, bëjnë të njëjtën lidhje indirekte- imagjino sa më shumë seksi do të ishte jeta jote, nëse do jesh më i shëndetshëm, më në formë, më pastër, më  bukur. Dr. Tom Reichert, që është personi që ka shkruar më shumë për seksin në reklama, e quan këtë metodë, formula ” bli këtë, të kesh atë”. Ai e përshkruan kështu, “ Nëse blen produktin tonë: (1) do jesh me tërheqës seksualisht, (2) do bësh seks më të mirë, (3) ose do ndihesh seksi vetëm për mirëqënien tënde personale.”

Me disa produket këto janë argumente më të vështira për t’u bërë, si për  shembull ushqimi i maceve, aparatet e dëgjimit, letrat higjienike dhe kremi kundër kërpudhave në këmbë, të cilat janë shitur të gjitha me reklama me nota seksuale. Nga ana tjetër konsumatori modern e sheh veten si më të aftë dhe të kujdesshëm se sa konsumatori i të kaluarës, duke menduar që është më i zoti të kuptojë metodat dhe formulat e përdorura nga marketingu. Në fakt, të gjithë janë të vetëdijshëm për logjikën e përdorur. Të gjithë jemi në dijeni që nëse shohim një reklamë, me një person shumë tërheqës që është duke konsumuar një pije, nëse bejmë të njëjtën gjë, nuk do bëhemi në mënyre të magjishme tërheqës dhe as që personi në reklamë do na dashurojë.

Puna ndryshon me Gjeneratën Z e cila ka më pak gjasa të jetë e mahnitur nga reklamat të hiperseksualizuara. Disa nga market e modës që i kaluan vitet ’90 duke reklamuar në mënyre agresive seksualitetin, kanë kaluar kohë të turbullta dhe rivlerësime publike si për shembull Victoria Secret, që në fund të fundit ka investuar në modele të bukura me veshje seksuale.

Nga ana tjetër do t’ishte qesharake të thoje që seksi nuk shet. Rreth 40% e ankesave te autoritetet janë të ndëerlidhura me seksin. Bota e video games është e njohur për shitjen e lojërave me pamje grash të zhveshura apo hiperseksulizuara, ose për shitjen e lojërave të thjeshta me reklama interaktive që të bëjnë të mendosh që po shitet diçka tjetër.

Studimet tregojnë që seksi në marketing, perdoret për të shitur zgjedhje impulsive – rroba, ushqim, pije, produkte bukurie- me shumë se investime të mëdha, megjithatë produket te shtrenjta si një makinë luksoze apo një shtëpi pushimi, ende shiten me imazhe modelesh seksi, me mendimin që patja, blerja dhe bërja e këtyre produkteve, në një farë mënyrë të barazon me këto modele të bukura super seksuale.

Seksi i tërheq porthuajse të gjithë, kështu që përdoret si një karrem, me anë të se cilit do bësh diçka tjetër tërheqëse, që zakonisht është pjesë e dëshirave themelore njerëzore. Megjithate kjo nuk funksionon gjithmonë sepse seksi mund të jetë një mënyrë e fuqishme për të përcjellë mesazhe, por ai mesazh `mund të jetë thjeshtë dhe: “ hej, shiko, kjo është seksi” sesa “ hej, shiko, kjo ështe seksi dhe duhet blerë se të bën seksi”.

Një studim në vitin 2021, zbuloi që shikuesit e reklamave hiperseksuale, prireshin të mbanin mend përmbajtjen seksuale që kishin parë, por jo domosdoshmërisht të kujtonin markën që reklamohej. Ky është dështim nëse kemi parasysh qëllimin e marketingut.

Rezultati është që, seksi do përdoret gjithnjë për të shitur gjëra seksi, por ditët e reklamimit të produkteve për traktorë  me trupa seksi të zhveshur, kanë mbaruar. Mund të përmend këtu dhe skandalin Balenciaga, por mendoj që ai do një shkrim më vete.

Zhaklin Lekatari

Jep koment

This site uses Akismet to reduce spam. Learn how your comment data is processed.