Ndonëse njollat e gjakut në mbathjet e djemve mund të ju bëjnë të mendoni për ciklin menstrual të grave, në të vërtetë ato nuk kanë asnjë lidhje me ndryshimet hormonale.
Janë të shumtë faktorët që shkaktojnë njollat e gjakut dhe të gjitha këto sigurisht varen nga mosha dhe nga prezenca e sëmundjeve të dyta shoqërusese ( komorbiditeti).
Arsyet kryesore te personat në moshë të re janë dëmtimet e lehta te prepuci ( pjesa e lëkurës që mbulon kokën e penisit), trauma të frenulit ( shiriti i lëkurës që lidh prepucin), ose presenca e valvulave uretrale Guerin. Ndonjëherë prezenca e kondilomave (lythat) uretrale shfaqet pikërisht kështu. Shfaqje të ngjashme kanë dhe traumat uretrale.
Biseda ndryshon kur gjakun e gjejmë në spermë. Hemospermia ndodh në çdo moshë dhe shfaqet në 13% të popullatës mashkullore. Më më shumë së 70% të rasteve, kauza ngel e panjohur, në 20% të rasteve ndodh për shkak të infeksioneve, rreth 5-7 % të rasteve për shkak të plagëve dhe lëndimeve të lehta dhe më pak se 3% lidhet me tumore.
Një tjetër arsye e prezencës së njollave të gjakut është dëmtimi aksidental i kapilarëve sipërfaqësorë të scrotumit ( qeska e testikujve) që quhen cirsocele. Zakonisht bëhet fjalë për kapilarë të zgjeruar që kanë tendencën të dëmtohen në mënyrë spontane. Nuk ka nevojë për shqetësim apo trajtim.
Kujdes mos ngatarroni njollat e gjakut me hematuria ( gjak në urinë); në këto raste situata është krejt tjetër. Prandaj nëse vëreni njollla gjaku në mbathje bëni mirë të shkoni menjëherë të mjeku urolog.