Fiksim apo fetish rreth këmbëve (nga kyçi e poshtë)

Përshëndetje, një pyetje kisha. Çfare mendoni për njerëzit që kanë foot fetish? A mendoni se është e çuditshme apo normale ?

( Teksti është redaktur nga ana gjuhësore).

Përgjigjja që përsëris më shpesh në Tabu.al apo Tabu Blog është që nuk ka një “menu” të njëjtë kur bëhet fjalë për seks. Sidomos nëse flasim për shije më pak të përhapura apo për fetishizma të ndryshëm. Duke thënë këtë, nuk besoj që ky është një rrëfim që duhet bërë që në takimin e parë ose në fillim të njohjes. 

Të njohësh dhe t’u kushtosh kohë personave dhe personave të rinj është shumë lodhëse. Sidomos nëse je në takimet e para, kur krijohen ca situata të çuditshme nga sikleti apo turpi që kanë palët. Ndoshta të dy e pyesin veten si do përfundojë mbremja dhe a do ketë seks më vonë? Prandaj rrëfime të tilla ( mbi shije të veçanta seksuale), do krijonin edhe më shumë siklet. Sidomos nëse dikush nuk është gati të rrëfejë apo dikush tjetër të dëgjojë dhe kuptojë.

Nëse me shoqen, të dashurën apo të fejuarën je duke biseduar rreth kësaj tematike, pra seksuale, atëherë mund të përfitosh nga rasti dhe të rrëfehesh. Por, nëse jeni për darkë, mos thuaj: “ Pra … , marrim një filetë pule dhe këtë orizin me tartuf, hmm… unë kam fiksim këmbët.” Është shumë e rëndësishme që ta keni mëndjen aty dhe të dëgjoni bashkëbiseduesin. Gjithmonë. Në çdo situatë. Ose të paktën të mundoheni.

Mesazhi më i rëndësishëm që dua të jap, është që nuk duhet të stresoheni për këtë shije apo fetish tjetër që mund të keni keni. Pak rëndësi ka nëse të pëlqejnë dhjami, gjinjtë e mëdhenj, këmbët apo rolet e ndryshme. Duhet të ndihesh krenar që ke aq raport të mirë me veten, sa ke arritur të gjesh dhe të pranosh imputet e duhura që të çojnë drejt kënaqësisë. Pastaj, kush nuk ka qejf t’ia përkëdhelin këmbët ? Unë nuk do ta kisha problem të dilja më dikë që ka fetish shputat e këmbëve dhe jam e sigurt që shumë vajza dhe gra të tjera e mendojnë si unë.

Pra, me pak fjalë nuk ka asgjë të keqe me pëlqimin ndaj këmbëve . Nëse kjo është ajo që të pëlqen dhe të bën të ndihesh mire, mundohu të gjesh dikë që ka shijet e tua. Pa dyshim që do shkëmbesh më shumë energji me dikë që të kupton. Ndërkohë relaksohu duke menduar që personi i duhur me këmbët e duhura do jetë shumë shpejt pjesë e jetës sate.

.